Внеклассной мероприятия :

«Позывной «Мордвин» теманть коряс, кона алтазь легендарной

летчикентень Советской Союзонь Героентень М.П. Девятаевень

100-иень топодемантень.

Цельтне:



Улемс

содавиксэкс

Советской

Союзонь

Героенть

легендарной

летчикенть

М.П.Девятаевенть марто



Ванномс тонавтницятнень марто М.П.Девятаевень киниганзо» Побег из ада», кона

сермадозь алкуксонь тевтнень коряс



Трямс-кастомс каштанчинь ежонть эсенек земляктнень кис

Оборудованиясь: М.П.Девятаев. Человек-легенда» презентациясь,

моронь гайгематне кинофильмасто.

Ход мероприятия:

Моронь гайгемась «Офицеры» кинофильмасто

Тонавтницятне: Ине войнань шкасто

Эрзятне, мокшотне

Лия раське марто

Немеценть панизь.

Берлинэв мик пачкодсть –

Гуень пизэс яттнэнь.

Мастораванть ванстозь,

Фашисттнэнь изнизь.

Тонавтыцясь: 72 иеть ютась, кода прядовсь минек мастор лангсо Ине войнась, конань кис

максызь эсест эрямост минек раськень ломантне.

Войнань шкане М.П. Девятаев тейсь

истямо подвиг, кодамо, сондензэ башка, эзь теекшне кияк авиациянть весе шкань улеманзо

перть - оргодсь Узедом усиясо (остров) фашистэнь концлагерьстэ немецень самолётсо ды

идесь пленстэ 9 ялгат.

Те подвигенть таго весть теизь ансяк 50 иень ютазь минек масторонь гражданской

авиациянь

лётчиктне,

конат

понгонесть

пленс

Афганистансо.

Весе

стакачитнень

ды

нарьгамотнень лангс апак вано, сынь эзизь ёмавто потмо виест ды олячинтень бажамост.

Девятаевень свал ледстнезь, сынськак маштсть оргодеме пленстэ ды пачкодеме тиринь

масторов.

1 -це тонавтницянть евтнемась

Михаил Петрович Девятаев чачсь 1917 иень июлень 8-це чистэ Торбеевской райононь

Варжелей

велесэ

сокицянь-видицянь

семиясо.

Мейле

семияст

ютась

эрямо

Торбеева

посёлкав. Ней Торбеевась покш робочей посёлка ды райцентра, сестэ тосо ульнесть ансяк

чугункань кинь станция ды кеменьшка кудынеть.

Михаил Девятаев семиясост ульнесь кемголмовоце эйкакшокс. Тетянзо сон а помнясы

- чавовсь Гражданской войнасо. Велень эрицятнень ёвтнемаст коряс: тетязо ульнесь тевень

вечкиця ды колёроков ломанекс. Марсесь, кода помещикенть мелензэ коряс, конань лангс

важодсь тетязо, понгонесь натой Даниянь прявтошов - Копенгагенэв. Тосто самодо мейле

тейнесь велосипед - весе чувтонь. Ды ардсь эйсэнзэ Варжелейстэ Торбеевав. Те юткось -

кемгавксово вайгельпеть. Нама, истямо велосипедэсь кувать эзь цидярдо ды шкань ютазь

каладсь, ансяк теицядонзо кулясь, прок паро мастердэ, срадсь васов. Сонзэ кедензэ,

алкукскак, ульнесть сырнень. Витнесь част, гармоният - кундыль куш кодамо тевс ды

теилизе.

o

2-це тонавтницянть евтнемась

Покш семияст эрясь пек кажовсто. Саты ёвтамс ансяк сень, кода Миша Девятаев

школав чийнесь лов ланга кепе - а мезель карсемс.

Кода илязо уле, сисем классонь школанть (неень кондят средней школат сестэ арсельть)

сон прядызе. Ды сайсь мель тонавтнемс лётчикекс. Те мелесь потсонзо кирвазсь, зярдо

велест

малас

валгонесь

самолет,

ды

летчикесь

кортась

ломантнень

марто,

конат

чиекшнесть самолетонть ваномо.

А сеске, нама, ламо стакачинь кирдезь, ансяк эсь мелензэ Девятаев ялатеке топавтызе -

кармась улеме лётчикекс-истребителекс.

Тонавтыцясь:

Зярдо кармась войнась, сон ливтнесь васенце чистэ. Вейке бойде мейле, зярдо сон пек

ранязель,

врачтне

мерсть

керямс

пильгензэ.

Сон

эзизе

максо.

Велявтсь

фронтов

медьковонь 1944 иестэды те шкане сонзэ уже ульнесть 3 боевой орднэнзэ.

Весемеде пек Михаил Девятаев пельсь понгомс фашистнэнень пленс. Аволь только, што

Сталин

мерсь: «У нас нет пленных, у нас есть предатели». А секс, што Девятаев

вечкилизе эсензэ масторонзо ды ульнесь мелезэ тюремс остатказонзо.

«Мордвин,

прыгай!» -

максь

приказ

командирэсь.

Ранязь,

палозь

летчикесь

валгсь

моданть лангс памяттеме. Сыргозсь пленсэ…

Тонавтыцясь:

Кунсолодо «Побег из ада» повестьстэнть саевкс.конатань сермадызе сонсь Михаил

Петрович Девятаев.

Ёжос сынь - моп пленсан

1....

Фронтонь

линиясь

шаштсь

яла

седе

васов

ды

васов

чивалгома

ёнов,

малавгалесь фашистской Германиянтень. Монь тиринь Торбеевав, кода весе масторонь

келескак,

боень

пурьгинень

зэртесь

пачколесь

гайтекс.

Фронтсо

тевтнеде

пачтясть

газетатне, радиось ды сёрматне - солдатонь аволь пек ламо строчкатне. Эрьва кулядонть -

кенярксов сон эли ризксэв - сеске кармиль содамо весе велесь.

Аватне, тетятне, козяйкатне, браттнэ-сазортнэ - весе учость фронтсто кулят. Истя жо

учось монь авамгак.

Эрьва

сёрманть

сон

панжиль

покш

талнома

марто.

Вана

нейгак,

июлень

пси

чистэнть, сонензэ таго кандсть солдатонь колмо уголсо сёрмине. Мезе эйсэнзэ? Кеняркс

эли ризкс? Нуцьказо панжизе. Сёрмадсть лётчиктне, конатнень марто вейсэ воёвинек.

Сынь ризкс марто пачтясть: сонзэ цёразо, сынст ялгаст Девятаев Михаил Петро вич 1944

иень июлень 13 чистэ ёмась кулявтомо ...

Мон зярдояк эзинь кеме «паро» ды «берянь» числас ды эзинь пеняцякшно сень

лангс, мекс чачинь кемголмовоце эйкакшокс. Но те тюремась, кона ульнесь июлень 13-це

чистэ, прядовсь монень пек зыяновсто.

Се

чистэнть,

кона

пешксель

орудиянь

зэртте

ды

моторань

увномадо,

-

Львов

ошонть

ёнов

минек

войскатнень

наступлениянь

ушодома

чистэнть

-

мон

зярыяксть

ливтнинь

минек

бомбардировщиктнень

ильтямо

ды

коштсо

тюрематнесэ

атаковинь

«мессершмитт», «фоккерт», «юнкерст». Вейке истямо ливтямось кармась улеме меельцекс

лётчик-истребителень биографиясом.

Чизэ валгиль виренть экшс, пичень кувака сулейтне ацавсть аэродромонть ланга.

Пилотrнэ, парашютонь лямкатнень юкснезь, лиснесть кабинастост самолётонь сёлмотнень

лангс ды кайсесть прястост шлёмост.

Мон ловинь, июлень те кемголмовоце чись монень прядовсь парсте. Прясом зярс

ульнесь увт, модась, маряви, лымбакстни пильгень ало. Мон ёвкстыя шлёмонть карксом

экшс ды пертьпельксэнь сэтьмечисэнть эскелинь командной пунктонть ёнов.

Истят шкат эрсить ансяк лётчиктнень. Аэродромтне, конат ульнесть фронтонь

линиянть эйстэ аламодо удало, эрясть фронтонь зэрть потсояк, тылэнь сэтьмечисэяк.

Эскелян ды арсян ужиндэ, оймсемадо. Ды друк рангстымизь:

- «Мордвин», ливтятапо! «Юнкерст»!

Владимир Бобров бойкасто моли каршом, планшетэзэнзэ картань эцезь. Кой-кона

ялгатненень пшкадсь лемсэ, монень - позывнойсэ.

Минь лисинек «юнкерстнэнь» каршо, каявинек лангозост вейсэ ды сравтынек

сынст коштканть. Зярыя бомбардировщикть правтынек. Изнямось ламолгавты вийтнень,

тюремась ношкалгавты ёжомарямотнень.

2. «Юнкерстнэ» а сакшныть сынст ильтиця истребительтеме. Вана нейгак сынь

лиссть чокшнень ашолдыця пельтнень экшстэ. Эйстэст ульнесть минденек пек ламо.

Ушодовсь

коштсо

пси

тюрема.

Самолёттнэ

велясть-чарасть

трассирующей

пулянь

очередтнень юткова, нолаштсть, велявтнесть пряст лангс, штатрлокс кузсть верев, пики-

ровасть. Вить ды керш ёндо монь эйстэ секе тев кивчкаесть ятонь истребительтне. Мон

пштистэ

ванынь

командирэнть

самолётонзо

мельга,

мон

ливтинь

сонзэ

самолётонть

удалдо ваныцякс, ды монень эрявсь ванстомс, иляст «оза» пулонзо лангс эли илязо ливтя

костояк боксто ятось.

-

Мон

-

«Bыдpa»,

молян

атакас,

-

секе

тев

маряса

наушниктнесэ

Бобровонь

вайгелензэ. - Ванст удалдо.

- Мон - «Мордвин», ванстан, - отвечан мон ды а кадован эйстэнзэ. Ков сон, тов

монгак, теке содозтяно.

Бобров каявсь «фокке- вульф» лангс, валны эйсэнзэ кивень пиземесэ, ды тона,

качамонь нолдазь, сяворсь алов. Истямо уцясказо ульнесь «мессершмиттэнть». Мон эзинь

фатя, кона шкане вейке «фокке-вульф» ливтясь удалдо ды нолдась кувака очередь монь

самолётонть лангс. Керш лавтовом пицевсь теке толсо калязь кшнисэ. Самолётонь ветямо

рычагтне пургсевсть верьсэ. Кабинась пешкедсь качамодо, самолётонть копачизе тол.

Маряса Бобровонь вайгелензэ:

- Мон - «Bыдpa», мон - «Выдра», кирнявт! ..

Володя, монь ялгам ды командирэм, нама, истямо кармавтома фирс а максы. Сон

несы, мезе теевсь сонзэ самолётонть удалдо ваныцянть марто.

- «Мордвин», мон приказан теть!

Ансяк

кода

кирнявтомс,

бути

минь

-

немецьсэ

занязь

мода

вельссэ!

Эряви

пачкодемс фронтонть трокс. Толонть ды качамонть пач~юн мезеяк а неян ...

Панжия кабинань кенкшенть ды терявтынь кирнявтомс. Коштось ёртымим удалов,

мезес-бути пек виевстэ вачкодевинь ды карминь прамо теке кодамо-бути чопода отьмас ...

3. Мон папжинь сельмень. Велькссэнь келемтезь-сравтозь серой шаршав. Арась, те

ав оль шаршав, те потолокось истямо. Ды мексбути чары, чары, теке леень домка таркасо

ведесь. «Ды те эдь монь превень велить!» Неян ашосо оршазь ломань ... «А-а ... Мон

сэредян.

Косан?

Госпитальсэ?

Аволь,

кодамо-бути

велень

кудосо.

Мадезян

мастоpo».

Чатавтыя пильгем, ды буто сядот салмукст пезнасть рунгозом. Чамам палы толкс. Весе

рунгосонть покш сэредькс. Мезе те? Марян ачарькодевикс валт ... Немецень кортамо ...

«Ды те мон бредян. Эли те онстом? Аволь». Икелем гитлеровской формасо офицер.

«Паряк, те монень ансяк цюдави? Арась, а цюдави». Ней уш парсте маряви кортамось.

Офицерэсь пшкадсь ашо халатсо ломанентень синдтрезь-менчезь рузонь кельсэ:

Вишкапингестэ саезь пелинь вейкеде: кияк ав оли мим лово пели цякс. Ды нейгак

пурныя весе вием - а ёмавтомс советской офицерэнь ломань чачонть. Эдь фашисттнэнь

марто войнась - башка коень. Лисни, а мезть учнемскак вадрятнень сынст пельде. Кода бу

аволить пеле, куломс сави ялатеке. «Сестэ мезть сорномс? Кавксть а кулситы».

Семиясонок

мон

ульнинь

кемголмовоце

эйкакшокс.

Куш

касыньгак

тетявтомо,

ансяк монь киненьгак эзть максо покордамс лелятне. Зярдо касынь, монсь тонадынь

аштеме эсень кисэ. Ды кия к Торбеевань келес эзь смея монь обижамс. Ней вана те

нулгодьксэсь

сорновтни

эйсэнь

мештеде,

нарьги

лангсом

-

ранязь,

вийтеме

военно-

пленноенть лангсо.

Штабонь

модань

кудынесэ,

козонь

пачтимизь,

столь

экшсэ

аштесь

фашистэнь

подполковник. Кода мейле карминь содамо, те ульнесь штабонь начальникест. Вакссонзо

озадоль

сельмукшсо

толмач::!.

Чарькодинь:

ней

ушодови

кевкстнемась.

Мон

аштинь

душманонть каршо сельмеде сельмс. Мон - сынст кедьсан. Сави ваномс лангозост ды

натой отвечамс кевкстемаст лангс.

Кевкстницясь сёрмадызе конёвонтень фамилия, лемем ды тетя- лемем.

- Тон руз? - макссь кевкстема.

- Аволь. Мордвин.

- Мон а содан истямо национальность! - ютавтынзе толмачось офицерэнть валонзо.

-

Тынь

ламо

мезе

а

содатадо

минек

мастордонть!

-

ёртынь

мон

вал,

ды

полковникенть чамазо натой чиремсь. Сон велявтнизе личностень удостоверениям, конань

таргизь зепстэм. Сонзэ потсо - козяйканть фотографиязо. Ютакшнось весемезэ ие, кода

минь урьвакстынек.

- Кие те авась? - кевкстсь фашистэсь.

- Те монь козяйкам.

- Косо сон эри?

- Казаньсэ.

- Тон сонзэ ней уш а несак ... Эно те ашти эсеть эйстэ. Бути а кармат мезеяк сёпомо,

паряк,

зярдояк

велявтат

эсеть

Казанев.

Миненек

эряви

содамс,

кодат

полкт

тюрить

фронтонь те таркасонть ... Ёвтнек весемеде се частенть эйстэ, косо тон служить. Кортамс

эряви видестэ, лиякс ёмавтсак весементь, ды васняяк эрямот! Кочксек тонсь.

Истямо ушодксто мейле кевкстимим? - Зяро боевой ливтямот?

- Сядо!

- Зяро самолётт правтыть?. Нама, истят тонь арасть.

Сон арсесь, мон карман энялдомо ванстомс эрямом, кемевтемензэ: кодамояк зыян

сынст армиянтень эзинь тее, секс пек дивазевсь, зярдо меринь:

- Ниленьгемень васенце ды ниленьгемень омбоце иетнестэ правтынь вейксэ тынк

самолётт. Колмотне эйстэст бомбардировщикть.

Кевкстницянть чамазо сумборгадсь.

- Кодат ёжост ломантнень частьсэнк?

- Паро. Весе кемить минек изнямонтень.

Фашистэсь тей-тов айгсь стулонзо лангсо, варштась коня алга. Таргась папкасто

газетасто керязь минек дивизиянь командирэнть, Александр Покрышкинэнь, фотография,

невтизе монень:

- Содави?

Кодамо се ушманось

1

, кона а содасы эсь командирэнзэ! Аволь ансяк снимкастонть,

натой

коштсояк

ливтнемань

«почеркснь»

коряс

весе

свал

содылизь,

косо

ливти

Покрышкин! Ды вана ней ятось веши, ёвтневлия весе эсь командирдэнть. Арась, истямо а

ули! Присяганть а коласа!

Кевкстнемадо мейле лисинь паро ёжосо. Экзаменэнть кирдия!

Пеемгак весе тескеть. Эзть чаво. Превтемекс лемдимизь ... Превтеметне - сынь.

Истя шождынестэ кемизь, бут о мезеяк а содан эсень частенть коряс.

Зярдо таго вастовинек Вандышевень ды Кравцовонь марто, сыньгак ёвтызь эсь

дивамост, мекс кевкстнемстэ эзть чаво сынсткак.

- Ды мекс истя мартонок буто налксить?

- Мезе пельденек учить?

- Мезе-мезе, ёжовчисэ бажить пельденек минек од самолёттнэде coдaк.

- Паряк, арсить кортазь минек ютавтомс сынет ёнов ды фашистэнь самолётсо

бамбамс эсенек оштнень ды велетнень?

Вана истя сестэ кортнинек, монь жо эзь кадо вейке ареема: кода оргодемс?

Кевкстемат ды кармавтомат

1. Мекс ды кода М. Девятаев понгсь пленс?

2. Мезе бажасть содамс М. Девятаевень пельде фашисттнэ? Учовсь тенст те?

3. Кие каясь вий ды кемема пленс понгозь М. Девятаевень потс?

o

3-це тонавтницянть евтнемась

Медьковонь 13-це чистэ, бойсэ Львов ошонть кис, Девятаев тёкадсь парашютсо

фашистнэнь

ёнов

ды

саезель

пленс

Лодзинской

лагерев.Седе

тов

сонзэ

ускизь

лия

куломань

лагерев

–

Заксенхаузенэв.Тесэ

сон

кармась

Степан

Григорьевич

Никитненко:ялганзо полавтызь кулыцянь жетононзо лия марто штрафникень жетотононть

лангс.

Тонавтыцясь:

Колмоце рэйхень архивсэ ванстовить документ, конатнесэ кортави, што ливтницясь

Михаил

Девятаев

ацамковонь

5-це

чистэ

1944-це

иестэ

пултазель

Заксенхаузенэнь

каштомтнесэ! Сонсь Михаил Петрович аволь весть невтнесь журналистнэненькопиясть

казнязь ломантнень фамилияст марто, конаньсэ ульнесь сонзэ фамилияськак.

Заксенхаузен концлагеренть тарказо ульнесь Берлиндэ 30 вайгельбень тарка якшамо

ёнов. Те лагеренть пленнойтнень ютксо ульнесть Сталинэнь цёразо Яков Джугашвили,

генералось

Дмитрий

Карбышев,

истя

жо

минек

землякось

Михаил

Девятаев.

Заксенхаузенсэ пленнойтнень пултылизь крематориясо, газонь камерасо,понгавтнилизь

чумонтомо.Сведениятнень коряс тосо кулость 102 тёжадо седе ламо пекстазетнеде.

o

4-це тонавтницянть евтнемась

Курок Девятаевень отправизь Узедом островов, лагерень филиалонтень, кона аштесь

Балтийской морясо ды лемдезель «Островом Дьявола»: тосто кияк живстэ а велявтыль. Те

усиясонть теильть од асодамо Третьей рэйхень леднемапель, конататнень коряс Гитлер

арсесь войнасонть изнямс. Островсонть кияк эзь сода, што Девятаев – летчик. Усиянть

куншкасо ульнесь строязь фашистской аэродром ды Девятаевень ульнесь мелезэ оргодемс

самолетсо.

Оргодемантень

анокстасть

кеменест.

Ансяк

пландонть

содыльть

колмо

ломанть. А весе планонть педе пес сдылизе только сонсь Девятаев.

Тонавтыцясь: Ёвтнеде, мезе содатадо М.П.Девятаевень оргодемадонть?

5-це тонавтницянть евтнемась

Вана кода тень эйстэ сёрмады сонсь Михаил Петрович .

Даволковонь ушодовомсто зярыя чить прась лов. Мейле сон, окойники, лоткась.

Манейгадсь, менельстэ варштась чись. Сонзэ минь учинекак.

- Течи - или зярдояк! - тошкинь мон ялгатненень.

Те чистэнть минек панимизь аэродромов латконь валямо. Минь важодинек самолёт-

тнэнь эйстэ авасоло. Эрявикс бомбардировщикесь ульнесь покш, кавто моторсо. Сонзэ

потс кельгстявить минек кондят берякадозь ламо ломанть.

Гайгезевсь баягинесь: обед. Немецтне тукшность ярсамо. Миненек те эрявськак.

- Уледе анокт! - максынь сельмсэнь команда ялгатненень.

Конвоир-фашистэсь фатясь тенень, васня кежейгадсь, мейле ловташкадсь: эрьва

ёндо каявинек лангозонзо. Вейке пленноесь вачкодизе палкасо пря бокава. Фашистэсь ся-

ворсь.

Мон ёртовинь самолётонтень, пачкодинь кабинантень. Сон ульнесь пекстазь. Тапия

вальманть, панжия кенкшенть, озынь кабинас, карминь нолдамо моторонть. Лепштия

стартёронть. Васня керш моторось уракадсь, мейле - витесь ...

6-це тонавтницянть евтнемась

Ялгатне кенярдокшность. Монь жо тевем а моли. Мекс-бути а кунсолы эйсэнь рулесь.

Весе ваныть монь лангс.

Тесэ фашисттнэ фатясть. Оно сынь уш самолётонть вакссот. Лепштия мезе вий

штурвалонть, нолдынь тормозтнэнь. Самолётось сыргась икелев, тапи эйсэст чарысэнзэ,

яжи винтнэсэ.

Минь аламо шкань ютазь кепедевинек коштс.

Вана эсенек модаськак. Валган алов ды алов. Неян минсенек солдатт. Вешнян

озамо тарка.

Тонавтыцясь:

Зярдо немецень «Хенкель» самолетось пачкодсь эсенек енов,

сонзэ лангс кармасть

леднеме. Зярыя снарядт ранизь оргодицятнень, но Девятаев маштсь озавтомо самолетонть.

…А

усиясонть

кармасть

вешнеме

оргодицятнень.

Кияк

эзь

кеме,

што

тосто

можна

оргодемс

ды

те

ульнесь

васенцеде.

Фашистнэ

курок

весенень

яволявтызь,

што

самолетонть оргодицятнень марто бомбизь, но те ульнесь аволь виде…

1.

Мекс фашистнэ эзть сае мель «витькстамс» Девятаевень побегдензэ?

7-це тонавтницянть евтнемась

Зярдо Девятаев озавтызе самолетонть, сон евтнизе армиянь

командующеентень

генерал-лейтенант

Беловнень,

што

Узедом

островсо

анокстазь

11

ракетат.

Теде

мейле минек войскатне веете чить бомбасть усиянть… Гитлер лемдизе Михаил

Девятаевень эсензэ душманокс.

2.

А

мезе

тынь

содатадо

«Хенкель-111»

самолетонть

ланга,

конатасонть

оргодевсть пленнойтне лагерьстэ?

8 -це тонавтницянть евтнемась

Те

самолетось Штейнгоф лагерень начальникенть. Пешксель радиоаппаратурадо,

свал аноколь ливтямс. Сонтемензэ эзть ветяво ФАУ-2 испытаниятне.

3.

Кодамо изнямо максь Гитлернэнь ды весе мирэнтень ракетась ФАУ-2?

9 -це тонавтницянть евтнемась

Весе содыть, што ФАУ-2 ульнесь «авакс» советской, американской, английской,

китайской

баллистической

ракетатненень.

Секскак

Михаил

Петрович

Девятаев

малавгавтызе войнь пенть, эзь максо фашистской Германиянтень пурнамс виензэ ды

изнямс Ине Отечественной войнасонть.

Тонавтыцясь:

Сундерьковонь 24-це чистэ 2002 иестэ Михаил Петрович Девятаев тусь мастор лангсто.

Калмазь Казаньсэ.

Минь кортатано те геройденть, штобу неень шкань од ломантне седе парсте неевлизь-

содавлизь, кодат геройть, кодат патриотт - эсь масторонь вечкицят - идизь весе мирэнть

фашисттнэнь эйстэ. Миненек, эрзятненень ды мокшотненень, таго улевель кинь эйсэ

каштангалемс весень икеле - вана кодат ломанть чачить минек тиринь моданок лангсо,

вана кодат а синдевикс кор марто геройть лисить раськестэнек!

Тонавтницятне: Девятаев Михал…

Ки сонзэ аздасы?

Иневедь куншкасо

Урексчись сэпей.

Ансяк уш полонсть

Менемс мелесь касы

Ятонь самолётсо

Ялганек вейсэ.

М.П. Девятаевде презентациянь ванномась .

Литературась

1.

М. Девятаев «Побег из ада»(саевкстнэ)

2.

Интернет – материалтнэ Википедия, свободной энциклопедиясто

3.

Сайт «Солдаты 20 века» материалтнэ Михаил Девятаевде

4.

И.В.Кочанова «Тиринь вал-2» учебной пособия, Саранск, 2013

5.

М.И.Брыжинский «Тиринь литература -5» учебник-хрестоматия, Саранск,2014